‘OVERPRICED FOODPACKS’: Kaso kriminal kag administratibo batok kay Mayor Bing Leonardia kag sa iban pagid nga mga opisyal sang City Hall gin-file sa Ombudsman!

0
6884

Ginpasaka ang kaso kriminal kag administratibo kay Mayor Bing Leonardia kag sa lima pagid ka mga opisyales sang Bacolod City, ini may kaangtanan sa ginaalegar nga ‘overpriced’ nga food packs nga ginpanghatag sa mga pumuluyo.

PHOTO FROM BACOLOD CITY NEW GOVERNMENT CENTER

Madumduman nga may yara sang sang masobra 40,000 ka mga beneficiaries sa ciudad ang nakabaton sang food packs halin sa NGC sang ginpaidalum ang ciudad sa Enhanced Community Quarantine, apang suno sa mga complainants nga amo ang nag-file sang kaso sa opisina sang ombudsman kulang kag wala naga-santu sa ginpanghatag sang ciudad ang budget nga ila sini gingastos.

Ginkilala ang mga complainant nga kanday Tony Wong isa ka negosyante kag Edgar Cadagat nga isa ka katapo sang medya, pila sa mga kaso nga ila ginpasaka batok kay Leonardia kag kay  Social Services and Development head Pacita Tero, Executive Assistant Jose Maria Vargas, kag city hall employees Danny lyn Magallanes, April Rose Morada kag Francis Aranez, amo ang mga masunod; gross neglect of duty, grave misconduct, conduct prejudicial to the best interest of service, and malversation of public funds.

Ginbasihan sang mga complainant amo ang ginaalegar P14,400,00 nga budget sang sardinas sang ciudad, kon sa diin mahimo makabakal sang 834,782 ka lata sang sardinas kag mahimo mahatag sa mga ang 20-21 ka lata sang sardinas sa tagsa ka mga beneficiaries apang tag 7-5 kilo nga bugas, 5 ka lata sang sardinas kag 5 ka noodles lang ang nabaton sang mga pumuluyo.

 Apang suno sa pahayag sang City Legal Officer Joselito Bayatan sa isa ka interbyu panglabugay kag wala sang kamatuoran ang mga alegasyon sang mga nasambitan nga complainants.

Nag-agi sa insakto nga proseso suno kay Bayatan ang pag purchase sang nasambitan nga ayuda pamaagi sa Bids and Awards Committee bilang pagsunod sa layi.

Leave a Reply