I-lockdownn ang LTO Bacolod office buas nga adlaw!

0
3958

Nakatalana nga i-lockdown ang talatapan sang LTO-Bacolod sa buas nga adlaw Hulyo 29, ini matapos nga makabaton sang mandu halin sa Regional Director ang pamunuan sang LTO nga temporary ini nga ipaidalum sa lockdown.

Ini matapos nga ginaalegar makaduha ka beses nga nagpadulong sa nasambitan nga talatapan ang nagpositibo nga locally stranded individuals ukon LSI sa ciudad sang Victoria Negros Occidental.

Bangod sini gilayon nga nagpadala sang mensahe ang Local Government Units sang Victorias agud ipahibalo sa Regional office sang LTO ang ginkadtuan sang pasiente.

Base sa report sang gintalikdan nga Hulyo 16 kag 17 nagpadulong ang pasiente agud magproseso sang iya sini nga driver’s license.

Ginpabalo man sang talatapan nga magapaidalum sa swab-test ang apat ka empleyado sang LTO kag iga-disinfect naman ang opisina, hulaton naman ang resulta sang swab-test sang mga empleyado kag kung lunsay mga negatibo ang mga ini, igabalik naman ang operasyon sang talatapan.

Leave a Reply