Moises Padilla, Negros Occidental-Sa live interview sang Radyo Bandera Sweet FM Bacolod 103.9 sa miyembro sang DRRMO Moises Padilla nga si Reynald Horegue, dowa ka traysikol nga may lima tanan ka indibidwal ang nag-agi sa overflow sa Alingasaw sakop sang Moises Padilla sang hinali nalang gin-anod sang mabaskog nga current sang tubig baha.
Nahibaluan, nga nagtambong sa isa ka okasyon ang mga indibidwal kag nagdesider nga magkadto sa isa man nila ka pamilya sa isa ka barangay.
Ang iban nila nga upod ang nag-agi lang sa hanging bridge samtang ang mga nasambit nga missing ang nag-agi sa overflow sakay sa traysikol.
Sila ang ginkilala sanday Edmund Samson, 17 anyos, Danilo Banaag Jr., 17 anyos, Roldan Banaag, 50 anyos kag ginapatihan asawa sini nga si Jovelyn Banaag, 48 anyos.
Sa karon, padayon pa nga ginapatigayon ang search and rescue operation sang mga katapo sang DRRMO nga ginalakipan sang Moises Padilla, Isabela, Hinigaran kag Binalbagan agud mapadasig ang nasambit nga operasyon.
Nagpanawagan naman ang katapo sang Moises Padilla DRRMO sa mga pumuluyo ukon residente nga malapit sa gintunaan sang insidente nga kong may masiplatan sila sa pangpang ukon sa suba, magpanawag lang sa ila nga numero:
DRRMO moises padilla—09212990884
