Sunday, January 29, 2023

10 Ka Persona Gin-Rescue Matapos Nakapan sa Baybayon sang Guimaras Ang Baroto Nga Halin sa Valladolid

- Advertisement -

Gin-rescue ang 10 ka mga persona nga sakay sang baroto nga nakapan sa baybayon sang Guimaras, Miyerkules sang aga, Mayo 11.

Natabo ang insidente las 7:30 sini nga aga sang maghalin ang motor banca sa banwa sang Valladolid, Negros Occidental, suno kay Philippine Coast Guard-Negros Occidental station chief Commander Joe Luviz Mercurio.

Nagatabok sa Guimaras strait ang baroto sang nakapan ini, mga pila na lang ka milya ang kalayuon sa Inampulugan Island,  sakop sang banwa sang Sibunag, Guimaras.

- Advertisement -

Narescue ang mga sakay sang nakapan nga baroto sang isa ka banca kag commercial vessel nga naglabay sa lugar. Ang mga biktima ang ginbalik sa Negros Occidental.

Ang imbulbado nga motor banca ang ginguyod sang PCG personnel sa Sibunag.

Base sa inisyal nga imbestigasyon, wala sang nagakaigo nga permit ang baroto nga mag-operate sa nasambit nga routa kag magpasakay sang pasahero.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

- Advertisement -

Latest Articles