Nakaunay charge nga laptop para sa online class, mag-iloy patay matapos ma kuryente sa Panay Capiz!

0
112

Sa exclusive interview sang Radyo Bandera Bacolod kay Lyn pamilya sang mga biktima gin hambal sini nga aga pa nag lesensia ang padre de pamilya sang mga biktima agud mag trabaho.

Matapos ang pila ka oras nag panawag ang iya sini nga asawa nga si Ann Gonzales 40-anyos agud palodan ang iya sini nga bata para magamit ang laptop sa online class sini.

Bangod nakaunay ang laptop nga ginagamit sini ginaalegar nga nagbaho kasubong sang sunog linya sang kuryente ang charger kay gani gin gabot sang iloy kag nakuryente ini.

Nakasinggit pa sang tabang ang iloy sa iya sini 20-anyos bata nga si Marie Stella Gonzales 3rd year college sa isa ka pribado nga eskelahan sa Roxas City Capiz, Oktubre 6, mga takna alas-3 sang hapon.

Gilayon naman nga dumalagan ang bata sini kag gin kup-an ang iya nga iloy apang sa masubo nga bahin na kuryente ang mga ini sa sulod mismo sang ila puloy-an sa Barangay Bato, Panay Capiz.

Gin hingagaw naman dala ang mag-iloy sa ospital apang gindeklara ang mga ini nga dead-on-arrival.

Tuman naman ang kasubo sang amay sa natabo sa iya nga mag-iloy bangod bugtong gid lamang nga bata si Marie Stella kon sa diin isa na lang kon tani katuig kag maga gradwar na ini sa kolihiyo.

Padayon naman ang imbestigasyon sang mga kapulisan sa nasambitan nga insidente

Leave a Reply