GRADE 8 STUDENT, GINHIMUSLAN, GINPATAY KAG GINHABOY SA IRIGASYON!

0
14

Positibo nga ginhimuslan ang isa ka babaye nga nasapwan nga wala na sang kabuhi sa irigasyon sang Bella Luz, San Mateo, Isabela.

Ang biktima ang ginkilala kay Princess Diane Corpuz, grade 8 student kag residente sang nasambit nga barangay.

Nagaguwa sa imbestigasyon sang isa ka doktor kag Scene of the Crime Operatives (SOCO) nga ginhimuslan ang biktima sang wala pa makilala-an nga suspek.

Suno sa utod sang biktima nga si Michael Corpuz, sadtong Lunes sang hapon, gindala sini ang iya asawa sa ospital kag nabilin si Princess nga nagaisahanon sa ila puluy-an samtang naga-answer sang iya mga leraning modules.

Gab-e na sang nakapauli si Michael gikan sa ospital apang wala niya nakita ang iya utod sa ila puluy-an rason nga ginpangita nila si Princess apang wala gid nakita.

Martes sang aga, Oktobre 27 may nagpabalo sa ila nga nasapwan ang lawas sang iya utod sa irigasyon, 300 metros ang kalayoon gikan sa ila puluy-an.

Sang ginkuha ang biktima sa irigasyon, wala ini sang pilas sa lawas apang nakita nga wala na ini sang pangsulod nga panapton “panty” kag ginloslos ang iya sini nga short.

Nagapangayo naman sang hustisya ang utod sang biktima kag luyag nila nga gilayon nga madakpan ang suspek para indi na matabo ang nasambit ng krimen sa iban pa nga kababainhan.

Suno pa kay Michael nga alam kag boot ang iya utod kag luyag pa mangin pulis.

Dugang pa ni Michael nga wala na sila sang iloy kag wala man nila nakaupod ang ila amay rason nga nagatinir si Princess sa ila nga balay.

Padayon naman ang imbestigasyon sang San Mateo Police Station agud ma-identify kag madakpan ang suspek.

Leave a Reply