Naglambot na sa 100 ka mga health workers sa probinsya sang Guimaras ang nahatagan na sang COVID-19 vaccines.
Marso 12, ginsugdan sa tatlo ka mga ospital ang pagbakuna.
Sa datus nga nakuha sang Radyo Bandera, 32 naman ang nabakunahan halin sa Dr. Catalino Gallego Provincial Hospital, nabakunahan man ang 58 ka mga health workers halin sa Buenavista Emergency Hospital kag 10 halin Nueva Valencia District Hospital.Si Ruffa Geraldoy, medical technologist nagikan sa Nueva Valencia District Hospital, naghimo sang kasaysayan bangud ini ang una nga nakabaton sang CoronaVac nagikan sa Sinovac Company sang China.
Si Nurse Ofel Ganancial sang amo man nga ospital ang nagtublok sa iya sang bakuna.
Lubos naman ang pagpati ni Governor Samuel Gumarin nga ang mass vaccination ang solusyon agud matapna na ang pandemya.Naga-apelar man ang gobernador sa iban nga mga medical workers sang tatlo ka ospital sa probinsya nga magpabakuna na.
via: Province of Guimaras
MCA | March 15, 2021 via RBSFM-Iloilo
