Friday, May 24, 2024

11-anyos nga bata gina-alegar ginhimuslan sang iya amay sa Talisay; biktima lima na ka bulan nga nagabusong

- Advertisement -

Isa ka amay ang gina-alegar ginhimuslan kag ginpabusong ang iya 11-anyos nga bata nga babayi sa siudad sang Talisay.

Suno sa interview sang Radyo Bandera kay Police Lieutenant Abegail Donasco, tagpamaba sang Talisay City Police Station, ginpasakaan na sang kaso nga rape ang 32-anyos nga amay kun sa diin nagtindog nga complainant ang anay asawa sini sadtong Mayo 11, 2023.

Base sa imbestigasyon sang mga kapulisan, nahibaluan nga pito pa lamang ka tuig ang bata sang nagbulagay ang mga ginikanan sini, kag nagtinir sila nga mag-ulutod sa poder sang ila amay.

- Advertisement -

Halos wala na sang komunikasyon ang mga kabataan sa ila nga iloy bangud naga-obra ini bilang housekeeper sa iban nga lugar.

Dugang pa diri, didto naman ngasugod nga gin-molestiya ang biktima sang iya amay tubtob nga indi na ini maka-agwanta kag nanugid na ini sa iya iloy.

Ginsaysay sang biktima ang tanan nga natabo sa Women and Children’s Protection Desk (WCPD), kag gintudlo nga ang may kahimuan sini amo ang iya kaugalingon nga amay.

Nakig-angut naman ang WCPD sa Department of Social Welfare and Development angut sa insidente kag nahibaluan nga lima na ka bulan nagabusong ang bata.

Nakahunong karon sa kustodiya sang Talisay City Police Station ang amay nga magapangatubang sa mga kaso nga rape, child abuse, kag iban pa kun mapamatud-an ang iya ginhimo.*

NOTE: Hungod nga wala ginhingadlan ang biktima kag suspek bangud may imboldado nga menor de edad kag sensitibo ini nga balita.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles