Standing ovation ang judges kag mga tumalan-aw sa pagbalik sang 11-anyos nga si Peter Rosalita sa America’s Got Talent (AGT) All-Star 2023.
Ginpasundayag ni Peter ang iya abilidad pinaagi sa pagkanta sang iya rendition sang “Go the Distance” ni Michael Bolton.
Pagkatapos sang performance ni Peter, nagtindog samtang nagapalakpak ang judges nga sanday Simon Cowell, Heidi Klum, kag Howie Mandel.
“You said that you were really nervous… and have a really sore throat. That was amazing without knowing all that. But knowing all that and your age? Well done, young man, well done!” komento ni Howie.
“You are a star in the making. You really came here to fight, and I loved that about you,” dugang pa ni Heidi.
Sang ginpamangkot ni Simon kun ano iya handum, nagsabat si Peter nga luyag sini mangin international singer kag makahimo sang kaugalingon nga album.
Una nga nagbuylog si Peter sa AGT Season 16 apang nalutos ini ni Dustin Tavella sa finals.
Congratulations, Peter!
