Matandaan nga sang Nobyembre 3 sang ginsuguran sa pungsod ang malapnagon nga pagbakuna sa mga 12 anyos tubtob 17 anyos batok sa makamamatay nga virus.
Ginbuyagyag sang isa ka health official nga ginaplano na sang gobyerno nga mabakunahan man ang mga 11-anyos panubo kontra COVID-19 sa masunod nga tuig.
“We are considering, actually we have considered that in our plans for vaccination of below 12 years old,” pahayag ni Health Undersecretary Myrna Cabotaje sa isa ka online media forum.
Dugang pa sini nga kinahanglan man anay sang pag-aprubar sang Health Technology Assessment Council (HTAC) angot sa nasambit nga diskusyon.
Sadtong Oktobre 15 sang ginsuguran sang gobyerno ang pagbakuna sa 12 tubtob 17 anyos nga may comorbidities.
Naglab-ot na sa 40,419 menor de edad ang nabakunahan tubtob sadtong Nobyembre 2.
