11 ka mga Suspek sa Pagsunog sa Lola sa Misamis Oriental, Ginpasakaan na Kaso

Ginkasohan na sang parricide ang 11 ka himata sang 84-anyos nga lola nga ila ginsunog nga buhi para sa isa ka ritwal sa Barangay Baliwagan sa Misamis Oriental sadtong Agosto 30.

Ginsiling ni Misamis Oriental Provincial Police Office OIC Police Col. Gonzalo Villamayor Jr., baisay sa kulto ang rason sa pagsunog sa biktima nga ginkilala kay Teofila Camungay.

Base sa imbestigasyon, luyag sang mga suspek nga maghimo sang lain nga kulto apang wala naman nagpasugot ang tigulang.

Nangakig ang mga suspek sa tigulang kag ila ginpatigayon ang ritwal kun diin ginhaboy ang tigulang sa kalayo.

Nagahilibion ang tigulang samtang nagapangayo sang bulig samtang padayon nga nagapangamuyo ang iya pamilya para sa ginpatihan nga ritwal.