LALAKI NGA GINBULAGAN SANG NOBYA, GINSUNOG ANG ISA KA GALINGAN SANG MAIS AGUD MAKABALOS SA IYA KARIBAL!

0
7

Dakop sang mga kapulisan ang isa ka lalaki matapos ginsunog ang isa ka galingan sa Brgy. Malhiao, syudad sang Badian, Cebu.

Ang suspetsado ang ginkilala kay Arnel 34 anyos, isa ka habal-habal driver kag residente sang Brgy. Sanlagan sa nasambit nga syudad.

Suno sa imbestigador sang Badian Police Station, nakita sang anak sang tag-iya sang galingan ang isa ka lalaki nga nagamaneho sang motorsiklo nga naghalin gilayon matapos nagluntad ang sunog.

Apang, nabilin sa ginluntaran sang sunog ang isa ka bag nga may unod nga quarantine pass nga may pangalan nga Ryan sa diin, nahibaluan nga amo ini ang karibal sang suspek.

Suno naman kay Ryan nga ginkawat ni Arnel ang iya sini nga bag.

Gin-aku man ni Arnel ang krimen nga siya ang nagsunog apang tuyo sini kuntani nga mapasibangdan si Ryan matapos gin-agaw sini ang iya nga uyab nga si Enaflor.

Samtang, magapasaka naman sang kaso ang tag-iya sa suspek bangod dako ang ginhalit sang sunog sa iya negosyo nga ginagalingan sang mais.

Leave a Reply