Sunday, January 29, 2023

12 KA MGA KABATAAN NA-OSPITAL BANGUD SA GINAPAHAYAG EXPIRED NGA JUICE NGA GINPANGHATAG SANG LGU

- Advertisement -

Ginaimbestigaran karon sang lokal nga pamunuan sang Taytay, Rizal ang pagpanghatag sini sang ginapahayag expired nga juice nga ginakabig rason sang posible nga food poisoning sang indi magnubo sa 12 ka kabataan sa nasambit nga banwa.Ginapahayag nga ginpanghatag ang mga juice halos isa ka tuig na ang nakaligad humalin sa expiration date base sa packaging.

“Nagpapaimbestiga rin kami. Pero ang masasabi lang lang namin, we are only dealing with reputable supplier na accredited with FDA (Food and Drug Administration) at saka may mga permit po mula sa ating national government,” pahayag ni Taytay Mayor Joric Gacula.”Sakali mang mayroon silang mga pagkakasalang ganyan, the municipal government will prosecute them. We will file charges against these suppliers,” dugang pa sang alkalde.

Nagpangayo naman sang pasaylo ang kumbuyuhan nga nagahimo sang juice.Magapatigayon man sang kaugalingon nga imbestigasyon ang nasambit nga kumbuyuhan kag pagasabton ang tanan nga gastu sa pagpa-ospital sa mga bata.Nahibaluan nga ginpanghatag ang juice sadtong Huwebes kag nag-umpisa ang pagdala sa mga bata sa ospital kaagahon sang adlaw sang Biyernes.

- Advertisement -

Ginapahayag naman nga palarehos ang ginabatyag sang mga bata.

“Abdominal pain, vomiting, tapos LBM (loose bowel movement). Pare-parehas sila nang kaunti,” pahayag ni Mark Jayson Pulumbarit, isa sa mga miyembro sang nagresponde nga rescue team.”Ang tinitingnan dito ay possible food poisoning,” dugang pa sini.

Ginpasiguro naman sang lokal nga pamunuan nga padayon sini nga imonitor ang kahimtangan sang mga bata.

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

- Advertisement -

Latest Articles