Nahatagan na sang hustisya ang madamu nga mga kabataan sa Mindanao nga gin abuso sekswal sang isa ka Australian national nga si Peter Gerald Scully.
Ginhingadlan si Scully bilang “Australia’s worst pedophile” kag may kaso nga paghimulos sa mga kabataan.
Kalakip sa mga gin abuso ni Scully amo ang bata nga babaye nga naga edad pa lamang sang 18 ka bulan okon isa ka tuig kag anum ka bulan.
Nagapangatubang sang kaso nga trafficking in person, child abuse, sexual assault kag iban pa nga kaso ang nasambit nga Australian.
Ginsentensyahan man nga mabilanggo sang 126 anyos ang live in partner ni Scully nga si Lovely Margallo.
Magluwas kay Scully kag Margallo, gin sentensyahan man sang siyam ka tuig nga pagka bilanggo ang duha pa ka kaupod sang mag live in partner nga sanday Alexander Lao kag Maria Durotiya Chia bangud sang kaso nga “use of traffic persons” kag “possession of child pornography”.
Nangin modus sang grupo ang magpangita sang pigado nga mga pamilya sa Mindanao kag ginakuha ang ila kabataan agud atipanon kag pangaku-an sang maayo nga pangabuhi.
Ginatudlo man si Scully bilang mastermind sa nagakatabu nga pag torture, sexual assault kag paghimulos sa mga minor de edad sa Mindanao.
Gina upload sang Australian pedophile sa dark web ang iya ginahimo nga pag abuso sa mga biktima agud maka income.
Magluwas sa masobra isa ka gatos ka tuig nga pagkabilanggo, magabayad man bilang multa sa mga biktima ang nasambit nga mga kriminal.
Statement of DOJ-NPS Region 10 regional prosecutor Atty. Merlynn Barola-Uy:
“It was a welcome development because the minor victims, most of whom are already adults now, have been waiting to take the stand and for them to be told na tapos na, matatapos na ang kaso and they will no longer be taking the witness stand. It was a big relief for them and their families.”
