Gindala sa ospital ang 13-anyos nga bata sa syudad sang Talisay, Cebu matapos matiruhan sang airgun sang Miyerkules, Setyembre 28.
Sandig sa imbestigasyon, nagsulod ang biktima kaupod ang isa pa ka bata sa pribado nga fishpond agud manguha sang isda.
Sang makita sang apo sang caretaker sang nasambit nga lugar, ginpalupukan niya ini sang airgun kag nai-go sa ulo ang biktima.
Suno sa barangay, gina-alegar nga may balatian sa paminsaron ang nagpalupok sang airgun nga isa man ka menor de edad.
Nakatalana naman nga operahan ang biktima bangud nagsalop ang pellet sa iya nga ulo.
Sa follow-up operation sang kapulisan, ginkuha nila ang menor de edad kag gin-turn over sa City Social Welfare Office. Ginkumpiskar naman ang airgun kag mga bala sini nga ginapanag-iyahan sang lolo sang suspek.
via GMA
