13 ka mga ambulance drivers sang probinsya wala na gin-renew ang kontrata

BACOLOD CITY– Ginkumpirmar ni Provincial Legal Officer Attorney Alberto Nellas Jr. nga gin-terminate na ang kontrata sang 13 ka mga “contract of service – (COS) workers” nga mga ambulance drivers sang Provincial Disaster Management Program Division (PDMPD) sa idalom sang pagpamuno ni Doctor Zeaphard Caelian.

Suno kay Atty. Nellas, nagsugod ang problema sang mga ginareklamo matapos napaslawan ang mga ini nga mag sumiter sang “trip tickets”.

Sandig sa reklamo indi on-time nga naga sumiter sang ila trip tickets ang mga drivers rason nga nangin questionable ang kredibilidad sini kun diin nagdangat pa sang isa ka bulan antes masumiter.

Dugang pa ni Atty. Nellas epektibo gilayon ang ginpapanaug nga desisyon batok sa 13 ka mga drivers.*