14 ka Sperm Whales nasapwan sa isla sa Australia

Suno sa Department of Natural Resources and Environment sang Australia, patay na sang nasapwan ang 14 ka sperm whales sa baybayon sang King Island sa southeastern coast sang pungsod sang Lunes sang hapon, Setyembre 19.

Base sa pahayag sang mga opisyales sang Martes, Setyembre 20, gina-imbestigahan na sang wildlife authorities sang pungsod ang kamatayon sang nasambit nga mga balyena.

Isa ka team sang Marine Conservation Program ang nagkadto sa lugar agud maipaidalum ang mga balyena sa necropsy kag matumod ang gintunaan sang ila nga kamatayon.

Nagaplano man ang mga awtoridad nga magpatigayon sang aerial survey agud mahibaluan kun may iban pa nga mga balyena sa lugar.

via Associated Press