Friday, March 29, 2024

16-anyos nga biker naghikog-patay sa Bacolod

- Advertisement -

BACOLOD CITY – Nagahilibion ang manghod sang biktima samtang ginasaysay kun paano sini nasapwan nga nagabitay ang iya magulang takna las 9 sang aga sa ila balay sa siudad sang Bacolod sang Miyerkules, Oktubre 5.

Photo courtesy of Jinn Siatita.
Photo courtesy of Jinn Siatita.

Base sa pahayag sang manghod, nagsaka ini sa babaw kag didto sini nasapwan ang iya magulang nga nagalaway kag nakahigot ang liog gamit ang kalat.

Dugang pa sang manghod, naakigan sang ila iloy ang biktima matapos nagpasingit kay nahidlaw na kuno ini mag-bike.

- Advertisement -

Suno naman sa amay-amay (stepfather), buot nga bata kag naga-eskwela man ang biktima apang posible nga naglain ang buot sini bangud guba ang iya bike kag luyag sini kuntani nga magpartisipar sa MassKara 2022 Bike Ride.

Ginpakigbahin man sang amay nga kaadlawan sang biktima sang Oktubre 3 kun diin ginhalukan sini ang iya iloy kag ginhambalan nga, “ma, dugay pa ko makabulig sa imo, ma.”

Ang biktima ang subang sa apat ka mag-ulutod.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles