BACOLOD CITY – Sa sulod sang 24-oras nga Simultaneous Focus Police Operations sa Negros Occidental, nakadakup sang 164 nga wanted nga mga persona ang 31 ka mga police stations kag duha ka police units sa probinsiya.
Nagapanguna ang Victorias Police Station sa may pinakamadamo nga nadakpan nga wanted nga mga persona sa nagkalain-lain nga kaso, sandig sa record sang Negros Occidental Police Provincial Office.
Nakadakup ang Victorias Police sang 24 ka mga wanted persons.
Sa 164, walo diri ang ginakabig most wanted, samtang 156 naman ang nagapangatubang sang iban pa nga sahi sang kaso.
Tanan nga 19 ka municipal police stations kag 12 city police stations nga sakop sang NOCPPO, lakip na ang 2nd Negros Occidental Provincial Mobile Force Company kag Provincial Intelligence Unit ang may yara gid sang nadakpan nga wanted nga persona sa ginpatigayon nga SEPO sadtong Agosto 30.*
