Nagahilibion ang isa ka lalaki nga nagpakilala nga menor-de-edad matapos madakpan sa ginpatigayon nga buy-bust operation sa Purok Sigay, Brgy. 2, sa syudad sang Bacolod sang Martes, Agosto 9.
Ginkilala ang 18-anyos nga suspek nga si Christian Ababa, alyas “Nonoy”.
Suno kay Police Captain Paul Vincent Pendon, una nga nagpakilala si Ababa bilang 17-anyos.
Apang nabisto ini nga yara na sa legal nga pang-edaron sang nagkadto ang iya iloy sa police station.
Ginkumpirmar ang edad sang solterito pinaagi sa iya live birth certificate.
Nakumpiskar sa suspek ang apat ka sachets ukon mga pakete sang ginasuspetsahan shabu nga ginabulubanta nagabug-at sang tatlo ka gramos kag nagabalor sang P20,400.
Nagapang-atubang ang solterito sang mga kaso sa paglapas sa Sections 5 kag 11 sang R.A. 9165 ukon Comprehensive Dangerous Drugs Act of 2002.
