Napaslawan ang mga otoridad nga maaresto ang subject sa buy bust operation, matapos ini nga nakapalagyo sa maligwin nga lugar, sakay sa habal habal.
Suno sa mga otoridad, nabilin sang subject sa buy bust operation ang kapin sa 18 ka kilo sang iligal nga druga, sa sulod sang Toyota Innova nga wala sang plate number.
Nagabili sang 122 milyones ka pesos ang shabu nga nagikan sa big-time nga drug lord.
Ginbulgar man sang Regional Police Drug Enforcement-Special Operations Unit, nga miyembro ang drug lord sang sindikato nga naga operate sa Central Visayas.
Ginahibalo na sang mga otoridad kon sin-o ang tag-iya sang salakyan nga gingamit sa pagbyahe sa minilyon nga balor sang iligal nga druga.
Wala man sang gintumod nga ngalan sang subject ang mga operatiba bangud sang nagapadayon nga follow-up operations.*
