Ginbawian sang kabuhi ang 18 ka persona nalakip ang isa ka mayor sa pagpangluthang sang wala pa nakilal-an nga mga kalalakinhan nga gina-alegar imboldado sa drug cartel sa San Miguel Totolapan, Guerrero state.
Suno kay Prosecutor Sandra Luz Valdovino, ginkumpirmar niya ang 18 ka mga napatay sa nagluntad nga shooting incident kag nalakip diri si Mayor Mayor Conrado Mendoza.
Pilason naman ang duha ka mga indibidwal sa nasambit nga insidente.
Wala pa man nahibaluan ang motibo sa pagpangluthang sang Los Tequileros gang, nga ginasiling nga konektado sa drug cartel nga Jalisco Nueva Generacion.
Sandig sa isa ka footage, makita nga ginpaarakan sang bala ang town hall samtang mabatian nga nagasinggitan ang mga tawo bangud sa kahadlok.
May yara sang 4,300 ka mga indibidwal ang banwa sang San Miguel Totolapan sa aminhan nga bahin sang Mexico, kun diin madugay na nga may lalisanay sang mga kartel.
via Balita
