BACOLOD CITY – Isa ka 19-anyos nga dalagita ang nadakpan sa ginpatigayon nga buy-bust operation sa Zone 10, Brgy. Handumanan, syudad sang Bacolod las kwatro sini nga hapon sang Domingo, Hulyo 24.
Ginkilala ang babayi nga suspetsado nga si Kimrose Jundos nga residente sang Zone 9 samtang nadakpan man ang upod sini nga si Darwin Delos Reyes, 42-anyos nga residente naman sang Zone 10.
Nakumpiskar sa dalagita ang isa ka sachet ukon pakete sang ginasuspetsahan shabu kag tooter samtang lima naman ka mga pakete ang nakuha kay Delos Reyes.
Ginabulubanta isa ka gramo ang kabug-aton sang nakumpiskar nga ilegal nga droga nga nagabalor sang P6,800.
Lunsay ara ang mga suspek sa kustodiya sang Bacolod City Police Station 10 sa paglapas sa R.A. 9165 ukon Comprehensive Dangerous Drugs Act.
