Sunday, December 4, 2022

19-Anyos nga Lalaki Pilason matapos Ginbuno sang iya Upod sa Inom sa Candoni

- Advertisement -

CANDONI MUNICIPALITY- Pilason ang 19-anyos nga solterito matapos ginbuno sang iya upod sa inom sa Purok Mahidaiton, Brgy. Payauan, sa banwa sang Candoni takna las-9:35 sang gab-i sang Domingo, Agosto 14, 2022.

A man holding a knife. Photo from iStock.

Ginkilala ang biktima kay John Miles Claud samtang ginkilala naman ang suspek kay Jason Ablanida, 31-anyos; lunsay mga laborer kag mga residente sang nasambit nga barangay.

Suno sa spot report sang Candoni Municipal Police Station, naga-inom sang makahulubog nga ilimnon ang biktima kag suspek sa balay ni alyas “Panoy Tida”.

- Advertisement -

Nagabaisay ang biktima kag suspek sang hinali nagkuha si Ablanida sang “kitchen knife” ukon kutsilyo nga iya gingamit sa pagbuno kay Claud.

Naka-agum ang biktima sang pilas sa nawala nga bahin sang iya dughan.

Gilayon nga gindala ang biktima sa ospital agud mabulong.

Yara naman ang suspek sa kustodiya sang Candoni MPS samtang ginahanda na ang kaso nga sarang ipasaka batuk sa iya.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles