19 Patay Bangud kay Maring, P1 Bilyones ang Damage sa Agrikultura

Patay ang 19 ka mga persona samtang 13 ka iban pa ang missing sa paglaslas ni “Maring,” suno sa National Disaster Risk Reduction and Management Council (NDRRMC).

Ang mga patay ang narecord sa Ilocos Sur, Pangasinan kag Palawan, samtang ang may mga missing amo ang Ilocos Norte, Ilocos Sur, Pangasinan, La Union kag Palawan.

Gina-validate pa man sang NDRRMC ang report sang 11 ka iban pa nga napatay sa Cagayan kag Benguet, kag tatlo ka nasamaran nga mga persona kag isa ka missing sa Benguet.

Samtang, ang damage sa agrikultura ang nagdangat sa P1 bilyones.

Apektado nga mga mangunguma sang Ilocos Region, Cagayan Valley, Mimaropa, Western Visayas kag Cordillera.*