19 PATAY SAMTANG 50 PILASON SA NAGLUNTAD NGA PAG-ATAKE SA KABUL MILITARY HOSPITAL

Indi magnubo sa 19 ka indibidwal ang napatay samtang 50 ka iban pa ang pilason sa pag-atake sa military hospital sa Kabul.

Ini ang pinakabag-o nga pag-atake sa Afghanistan sumugod sang nasakop ini sang Taliban.

Nagluntad ang duwa ka paglupok malapit sa entrance kag ginsundan sang pagpaniro sa sulod sang hospital.

“I am inside the hospital. I heard a big explosion coming from the first checkpoint. We were told to go to safe rooms. I also hear guns firing,” panaysayon sang isa ka doktor sa Sardar Mohammad Daud Khan hospital sa Kabul.

Tubtob sa karon, wala pa sang may naga-aku sa likod sang nasambit nga pagpang-atake.