Wala nagalaum ang isa ka iloy nga sa iya pagkalingaw sa pagtiktok amo pa ang mangin isa ka rason sang pagkamatay sang iya 2 anyos nga anak nga lalaki.
Suno sa report nga aksidente nahulog sa poso negro ang bata samtang nagatiktok ang iloy.
Naga utaw-utaw kag wala na sang kabuhi sang makita ang bata sa poso negro sa guwa sang ila balay sa Barangay Tacbuyan, Estancia, Iloilo.
Base sa report sang Estancia Municipal Police Station, antes ang insidente ginbilin ang bata sang iya iloy sa guwa sang balay nga nagahampang samtang siya kag ang iya abyan ang nagatiktok sa sulod sang balay.
Makaligad ang pila ka oras, nadumduman lang sang iloy ang iya anak bangod wala na siya sang may nabatian nga tingog.
Gilayon man sini ginpangita kag nasapwan nalang ang bangkay sini nga nagalutaw sa poso negro.
