Nabawian sang kabuhi ang 20 tanan ka mga persona, matapos nga nagluntad ang 5.6 magnitude nga linog sa pungsod Indonesia, Lunes nga adlaw, Nobyembre 21.
Magluwas sa mga nagkalamatay, may masobra pa sa 300 ka mga persona nga nasamaran sa trahedya.
Magluwas sa mga puluy-an, nakaangkon man sang kahalitan ang mga buluthuan sa Cianjur, Indonesia.
Bangud sang kalamidad, nagdagsa ang mga pasyente sa mga nagkalain lain nga ospital.
Suno sa weather and geophysics agency, nagluntad ang linog sa kalayuon nga 75 kilometros southeast sang Jakarta kag may kadalumon nga 10 kilometros.
Sa mga reports sa media, nakit-an ang pagkatiphag sang pila ka mga buildings sa Cianjur.
Ginlaragway man sang mga pumuluyo nga isa ka mabaskog nga linog ang nagluntad sa ila lugar sini nga adlaw.*
