Tuesday, December 6, 2022

20 Patay, 25 Pilason sang Nasunog ang Nightclub sa Thailand

- Advertisement -

UPDATE – As of today, Agosto 21, nagdangat na sa 20 ka mga indibidwal ang nagkalamatay samtang 25 naman ang pilason matapos magluntad ang sunog sa Mountain B Club, isa ka nightclub sa probinsya sang Chonburi sa Bangkok, Thailand sadtong Agosto 5, 2022.

The rescue team recovered the charred bodies after the fire blazed in the nightclub in Bangkok, Thailand. Photo from Sawang Rojanathammasathan Rescue Foundation/AFP.

Nasapwan sang mga nagresponde nga otoridad ang mga sunog nga lawas sang 13 ka mga indibidwal sa sulod sang nightclub sadtong Agosto 5.

Samtang, nagsaka naman ang death toll matapos nga 7 sa mga pilason ang dugang nga nagtaliwan man, suno sa Chonburi provincial public health.

- Advertisement -

Ginkumpirmar naman sang mga otoridad nga Thai nationals ang tanan nga biktima.

Sa karun, ginabulong pa ang 25 ka mga indibidwal nga nasamaran.

Madasig nga naglapta ang kalayo sa ‘acoustic foam’ nga nakatapik sa pader sang nightclub rason nga nagdugay sa tatlo ka oras ang pagtapna sang mga bomber sa sunog.

Ginkumpirmar sang province senior police officer sadtong Agosto 20 nga ginpasakaan na sang kaso ang tag-iya sang nightclub bangud sa ila padayon nga pag-operate apisar nga wala sila sang lisensya.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles