Nakuhaan sang 120 mil pesos nga balor sang iligal nga druga ang duha ka mga personalidad sa ginpatigayon nga buybust operation sang Bacolod City Police Station 2 sa Blk 4A, Lot 35, Sta. Filomena, Eroreco, Brgy. Mandalagan, Bacolod City tinalikdan nga Hunyo 20.
Ang subject sang operasyon ang ginkilala kay Jose Carlo Antonio Rasmo, 39-anyos residente sang nasambit nga lugar kag kaupod sini si Dennis Dumdum alyas “Pork”, 47-anyos kag residente naman sang Blk 1, Lot 31, Sta. Maria St, Eroreco, Brgy. Mandalagan, Bacolod City.
Nakuha sa paghinakop sang mga ini ang siyam tanan ka sachets sang suspected shabu, 500.00 pesos nga marked money, P290 pesos nga cash kag iban pa nga drug paraphernalia.
Ginabulubanta nagabug-at sang 15 grams ang items nga nakuha sa mga ini kag nagabalor sang P120,000.
Nakahunong na sa karon ang duha ka mga suspetsado kag natalana nga pasakaan sang kaso nga nagbayolar sang RA 9165 ukon Comprehensive and Dangerous Drugs Act of 2020.
