BACOLOD CITY – Gindakop sang kapulisan ang isa ka 21-anyos nga soltero matapos makuhaan sang 106 ka gramos sang ginasuspetsuhan shabu sa Purok Sigay, Brgy. 2, siudad sang Bacolod sang Miyerkules, Mayo 24, 2023.
Base sa report sang Bacolod City Police Office (BCPO), nakumpiskar ang 17 ka sachets sang ginasuspetsuhan shabu nga ginabulubanta nagabug-at sang 106 ka gramos kag nagabalor sang P720,800 sa ginpatigayon nga buy-bust operation takna la-1:14 sang hapon.
Ginkilala ang suspetsado sa kay Jeo Tongoy, alyas Geo, 21-anyos, soltero, wala sang trabaho, residente sang nasambit nga purok, kag ginakabig nga high value individual (HVI) sang kapulisan.
Nagapang-atubang ang suspek sang kaso sa paglapas sa Republic Act 9165 ukon ang “Comprehensive Dangerous Drugs Act.”
