Tuesday, December 6, 2022

22-anyos gina-alegar gin-abduct sang walo ka armado nga persona sa Talisay, nakapalagyo

- Advertisement -

TALISAY CITY, NEGROS OCCIDENTAL – Gin-abduct sang armado nga mga persona nga nagpakilala nga mga pulis ang isa ka mag-live in partner sa Hiyang-hiyang, Brgy. Cabatangan, sa siudad sang Talisay takna las dyis sang aga sang Martes, Nobyembre 22.

Base sa pahayag sang biktima nga 17-anyos nga babayi, walo ka armado nga mga suspetsado nga nagpakilala nga mga katapo sang National Bureau of Investigation (NBI) kag Criminal Investigation and Detection Group (CIDG) ang nagkuha sa ila.

Ginposasan ang 22-anyos sini nga live-in partner nga si April Boy Damayo, alyas “Jordan”, antes gintabonan ang ila mga mata sang mask kag ginsakay ang mga ini sa salakyan.

- Advertisement -

Dugang pa sang babayi, gintampa kag ginkastigo ini sang mga suspek antes ginbilin sa Brgy. Cabug sa siudad sang Bacolod takna las-9 sang gab-i.

Hinali nga nagpundo ang salakyan kag ginpapanaug ang babayi kag ginhambalan ini sang isa sa mga suspek nga ginhimuslan ni Jordan ang iya best friend.

Apang ginkatingala ini sang babayi bangud suno sa iya, wala ini best friend kag buot si Jordan.

Nagsulod naman liwat ang suspek sa salakyan kag ginbayaan nila ang babayi.

Gindala naman si Jordan sa Canlaon kun diin nagkutkot sang buho takna la-una sang kaagahon.

Ginhulog ini sa buho antes gintiro apang wala naglupok ang armas.

Gilayon nga nagdalagan si Jordan sa kampo tubtub nakapalagyo ini kag nakalab-ot sa banwa sang Pontevedra kun diin ini nakit-an sang iya mga himata.

Nakit-an nga nagadalagan-dalagan ang biktima sa Pontevedra kag nasal-an pa ini sang mga pumuluyo nga “buang” apang nakilala ini sang iya amay.

Dugang pa sang utod sang babayi, puti nga Mitsubishi Adventure ang gingamit nga salakyan sang mga suspek kay may ginpakita ang mga ini nga papel nga Warrant of Arrest, rason kun ngaa wala sila sang nahimo, dugang pa nga armado ang mga suspek.

Samtang ginapahog man nga patyon ang abyan sang biktima kag nagpangayo na ini sang bulig sa bise alkalde sang banwa sang Moises Padilla.

Ginalantaw sang Talisay City Police Station nga nasal-an lamang ang biktima apang nagapadayon sa gihapon ang ila imbestigasyon angut sa nasambit nga insidente.

- Advertisement -

Related Articles

Leave a Reply

Stay Connected

- Advertisement -

Latest Articles