Ginkilala sang Guinness World Records ang 22-anyos nga ido sa Colorado, USA bilang “Oldest Living Dog” sa bug-os nga kalibutan.
Ang Chihuahua dog nga si Gino Wolf ang ginpasidunggan sang Guinness matapos ma-verify sang mga beterinaryo nga doktor sa nasambit nga lugar nga 22 ka tuig na ini nga nagakabuhi sa kalibutan.
Suno sa tag-iya sang ido, estudyante pa lamang siya sadto sang gin-adopt niya si Gino gikan sa Humane Society of Boulder Valley.
Suno sa mga eksperto, sadtong Setyembre 24, 2000 ginbun-ag si Gino rason nga nga nakuha sini ang nasambit nga titulo halin sa anay record holder nga ido nga si Tobby Keith, 21-anyos.
Sandig sa pagtuon, tubtob 18 ka tuig lamang ang kabuhi sang isa ka normal nga Chihuahua rason nga isa ini ka ‘milestone’ para sa ido nga si Gino nga makalab-ot sa edad nga 22-anyos.
via Guinness World Records
