22-anyos nga Top 5 Most Wanted sa kaso nga ‘murder’ sa Escalante nadakpan sa Silay Airport

Gindakop ang ginakabig nga Top 5 Most Wanted Person sang kapulisan sang siudad sang Escalante sa ginpatigayon nga operasyon sa Bacolod-Silay Airport pasado las singko sang hapon sang Lunes, Marso 27.

Ginkilala ang akusado sa kay Dens Campania, alyas Toto Olang, 22-anyos nga residente sang Purok Little Paradise, Brgy. Alimango, sa nasambit nga siudad.

Ginserbehan ang akusado sang mandamiento de aresto angut sa kaso nga ‘murder’ sadtong Pebrero 20, 2023 kag wala ini sang ginarekomendar nga piyansa.

Nakahunong subong ang akusado sa Escalante City Police Station.