- Advertisement -
Patay ang isa ka 23 anyos nga babaye nga nahibaluan nag-gradwar sang civil engineering sa University of Negros Occidental-Recoletos (UNO-R) kag magakuha na kuntani sang Board Exam sa sini nga tuig.
Nagluntad ang aksidente sadtong Setyembre 15 sa diin, may tatlo pa ka indibidwal ang pilason.
Base sa inisyal nga impormasyon, nakabunggo ang isa ka motorsiklo sa isa ka L300 van nga nakabunggo pagid sa isa ka truck nga naka-park.
- Advertisement -
Nakilala ang napatay nga si Evon Claire Lopez, residente sang Bacolod City.
Samtang ang mga pilason amo sanday Romeo Misa Ejusa, driver sang L300, Bryan Alunan Bayot, pasahero ni Ejusa kag Connie Alfagora, driver sang motorsiklo.
Sa karon, padayon nga ginabulong ang mga pilason.
- Advertisement -
