Friday, March 29, 2024

24-anyos nga rebelde nga imbolbado sa pagpatay sa duha ka mangunguma sa Cadiz boluntaryo nga nagsungka

- Advertisement -

E.B. Magalona – Isa ka rebelde nga may dala nga armas-luthang kag explosives ang boluntaryo nga nagsungka sa Sitio 9, Brgy. San Isidro, banwa sang E.B. Magalona las kwatro sang hapon sang Lunes, Pebrero 6.

Ginkilala ang nagsungka nga si Nexon Villarin ukon “Ka Ape”, 24-anyos nga residente sang Sitio Habuesan, Brgy. Marcelo, banwa sang Calatrava.

May dala ini nga kalibre .38 nga revolver, granada, kag iban pa nga improvised explosive device (IED) materials.

- Advertisement -

Base sa report sang mga awtoridad, si Ka Ape amo ang full-time nga miyembro kag Intel Officer sang Rose Jeane Pelle Command sang Northern Negros Front halin sang tuig 2018.

Dugang pa sa report, isa si Ka Ape sa mga nagpatay sa duha ka mga mangunguma sa Brgy. Caduhaan sa siudad sang Cadiz sang tuig 2021.

Gindala ang armas kag IED materials sa kustodiya sang E.B. Magalona Municipal Police Station para sa nagakaigo nga disposisyon.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles