EGYPT – Patay ang 25 nga indibidwal samtang pilason naman ang 35 matapos mabunggu-an sang ila ginasakyan nga bus ang naka-park nga truck sa Egypt sang Martes, Hulyo 19, 2022.
Yara sa 45 nga pasahero ang sakay sang bus nga nabunggo sa stationary truck malapit sa banwa sang al-Barsha.
Naka-park ang nasambit nga truck sa higad sang dalan agud islan kuntani ang goma sang ruweda sang ini ang nabunggu-an sang bus nga yara sa likod gikan sa Sohag governorate padulong sa Cairo.
Magahatag naman ang Egypt’s Ministry of Social Solidarity sang “emergency benefits” nga nagabalor sa 10,000 Egyptian pounds ($530) sa pamilya sang mga napatay sa insidente.
May yara naman sang 7,000 nga mga indibidwal ang nagakalamatay bangud sa aksidente sa dalan sa pungsod sang Egypt sa tuig nga 2020, suno sa official figures.
