LAS PIÑAS – Gindakop ang 26-anyos nga lalaki matapos gina-alegar ginhikap sini ang dughan sang isa ka estudyante sa syudad sang Las Piñas sa Metro Manila sang Sabado, Agosto 27.
Suno sa kapulisan, may siyam pa ka mga biktima nga nagkadto sa police station agud ireklamo ang suspetsado.
Base sa imbestigasyon, nagalakat ang 25-anyos nga estudyante sa higad sang dalan sang ginpalapitan ini sang suspek kag ginhikap ang iya dughan.
Gilayon nga nagpalagyo ang suspek sakay sang tricycle matapos ang insidente.
Nadakpan naman ang suspek sa ginpatigayon nga follow-up operation kag nakumpiskar ang indi lisensyado nga armas-luthang.
Positibo nga ginkilala sang mga biktima ang suspek nga ginapatihan nagapanghikap dughan sang mga kakabainhan.
Nahibaluan man nga modus sang suspek ang pagpamangkot sang oras sa mga babayi nga nagalakat sa dalan kag manghikap dughan antes ini magpalagyo.
