Tuesday, December 6, 2022

2ND DQ CASE GINFILE BATOK KAY MARCOS

- Advertisement -

Ginfile sa Commission on Elections (Comelec) ang ikaduha nga petisyon nga nagapamatuk sa kandidatura ni presidential aspirant Ferdinand “Bongbong” Marcos Jr. matapos ang isa ka semana sang ginfile ang pareho nga petisyon.

Ginpangunahan ni Dr. Rommel Bautista ang grupo sang mga taxpayers nga nagfile sang nauna nga petisyon.

Ginsaad sa ikaduha nga petisyon nga dapat madisqualify si Marcos bangud na-convict na ini sa tax offenses sadtong 1995 kag nangin pinal sadtong 2001.

- Advertisement -

Sandig sa 1997 National Internal Revenue Code (Section 253), magapangatubang sang perpetual disqualification sa pagbotar kag pagpapili sa posisyon ang mga public officials kag mga empleyado nga naconvict sang tax offenses.

Naconvict si Marcos sang Quezon City Regional Trial Court (RTC) sadtong July 27, 1995 sang napaslawan ini nga magfile sang income tax returns kag magbayad sang income taxes humalin 1982 tubtob 1985 sang siya ang bise gobernador kag nangin gobernador sang Ilocos Norte sang tion sang martial law. Gin-affirm naman ini sang Court of Appeals.

Nangin pinal ang iya nga conviction matapos ginwithdraw ang iya appeal sa Korte Suprema sadtong tuig 2001.

- Advertisement -

Related Articles

Leave a Reply

Stay Connected

- Advertisement -

Latest Articles