Tuman ang kaakig nga nabatyagan sang isa ka iloy sang mahibaloan nga ginhimuslan sang ila tupad balay ang iya tatlo katuig nga bata nga babayi sa Dagupan City, Pangasinan.
Pahayag sang 23 anyos nga iloy nga si Russel Simorio, nakibot na lamang ini sang may nakit-an nga likido sa underwear sang anak.
Sumunod nga adlaw, nagahilibion na ang iya anak bangud sa sakit nga gina-antos.
Antes ang insidente, nagahampang ang biktima sa gwa sang ila balay kaupod ang isa pa ka bata.
Apang suno sa iloy, gintawag sang 40 anyos ang biktima kag gindala sa balay sini kag ginhimuslan.
Sa resulta sang medico-legal, nagwa nga positibo nga ginhimuslan ang bata.
“Masakit. Gusto naming bumawi pero hindi namin magawa. Gabi-gabi naaalala namin yung ginawa sa anak ko,”suno sa iloy.
“Walanghiya siya kasi pati bata na walang kamuwang-muwang pinapatulan niya. Nagawa na niya sa anak niya, ginawa niya ulit sa ibang bata.”
Suno sa pulisya, ginahulat na lamang nila ang arrest warrant batok sa suspek
