Dead on-the-spot ang tatlo ka mga estudyante matapos mabungguan sang truck samtang naga-attend sang ila online classes sa isa ka sari-sari store sa banwa sang Placer sa probinsya sang Masbate, Domingo sang hapon, Oktubre 10.
Ginkilala ang mga napatay nga sanday “Christy”, 16 anyos; “Ferdalyn”, 10; kag “Jelian”, 13 tanan residente sang Purok 9, Brgy. Matagangtang sang nasambit nga banwa.
Suno sa inisyal nga imbestigasyon, nadulaan sang control sa steering wheel ang driver sang 10-wheeler truck amo nga nadalasa sini ang lugar kung diin naga-online classes ang mga estudyante.
Yara na sa kustodiya sang kapulisan ang driver kag magapangatubang sang kaso nga reckless imprudence resulting in multiple homicide.
Maga-imbestigar man ang Department of Education (DepEd) Region 5 angut sa kamatayon sang tatlo ka mga estudyante.
