E.B. MAGALONA – Gindakop sang kapulisan ang 30-anyos nga lalaki nga may kaso nga ‘carnapping’ sa banwa sang E.B. Magalona.
Ginkilala ang akusado sa kay Rodmel Chavez, 30-anyos nga residente sang Brgy. Pasil sa nasambit nga banwa.
Ginserbehan sang mandamiento de aresto ukon ‘arrest warrant’ ang akusado sa Brgy. 1 Poblacion sa nasambit nga banwa takna la-1:44 sang hapon kahapon sang Huwebes, Marso 30.
May kaangtanan ini sa kaso nga paglapas sa Section 3 sang Republic Act 10883 ukon ang “New Anti-Carnapping Law.”
Ginpapanaug ang warrant sang korte sa Malolos, Bulacan sang Agosto 29, 2019 kag may natalana ini nga piyansa nga P300,000.
Nakahunong na ang akusado sa custodial facility sang E.B. Magalona Police Station para sa nagakaigo nga disposisyon.
