300 ka mga kabataan nakabenepisyo sa outreach program sang SORABS kag 94IB sang Philippine Army

Nagpatigayon sang outreach program sang katapo sang 94^th Infantry Battalion kag Solid Radyo Bandera Supporers-Kabankalan/Himamaylan chapters sa Mahalang Elementary School, Barangay Mahalang sa syudad sang Himamaylan, Negros Occidental.

Kapin 300 ka mga kabataan halin sa Kindergarten, Grade 1 kag Grade 2 ang naka-benepisyo sa nasambit nga aktibidad.

Suno kay Corporal Frederick Villasis, ginhatagan prayoridad ang mga kabataan ilabi na sa elementarya kung sa diin magluwas sa libre nga feeding program, nanghatag man sila sang mga notebooks, crayons kag iban pa nga school supplies nga ila magamit sa ila pag-eskwela.

Nanghatag man sang food packs ang SORABS para sa mga kabataan.*