Ginpahibalo sang Land Transportation Franchising and Regulatory Board (LTFRB) nga may yara sang 256,261 ka mga public utility vehicles sa Pilipinas, apang 30,183 lamang ang nakakuha sang “fare matrix”.
Sang tinalikdan nga Lunes, epektibo na ang “fare hike” okon pagpasaka sang plete sa mga pampubliko nga mga salakyan sa bilog nga Pilipinas, apang ginklaro sang LTFRB nga dapat may yara sang “fare matrix” ang kada salakyan antis magpanukot sang saka sa pamasahe.
Yari ang nakakuha na sang fare matrix, base sa record nga gin “release” sang LTFRB:
17,496 – public utility jeepneys
1,263 – public utility buses
5,344 – provincial buses
6,053 – regular taxi units
27 – airport taxi units
Humalin sang Setyembre 23, bukas na ang mga opisina sang LTFRB, Lunes tubtub Sabado, agud magbaton sang request gikan sa mga drivers nga luyag magkuha sang kopya sang fare matrix.
