MAKATI CITY – Dakup ang 31-anyos nga lalaki matapos madakpan sa ika duwa sini nga plano nga mag bayad sang peke nga P500 bill sa pag bakal sang pagkaon sa syudad sang Makati sang Sabado, Agosto 13.
Ginkilala ang suspek kay Thom Jerome Pinzon nga residente sang Valenzuela City.
Gin dakup ang suspek sa Daily Knead Store nga nahamtang sa Power Plant Mall, Poblacion sa nasambit nga syudad sang nag bakal ini sang isa ka truffle cheese croissant nga nagabalor sa P400.
Matapos magbayad ang suspek sang P500 sa kahera, natalupangdan sini nga daw indi amo ang giyo sang suspek rason nga gin report niya ini sa security guard kag nahibaluan wala man ginbaton sang Krispy Kreme ang iya ginbayad nga P500 bill nga may serial no. RM225807 nga iya man kuntani ibayad sa nasambit nga store.
Natukiban nga peke ang nasambit nga P500 bill matapos ini ginpaidalum sa ultra violet light.
Sa karun, nagapangatubang ang suspek sa pagbayolar sa Article 168 sang Revised Penal Code ukon Illegal Possession and use of False Treasury or Bank Notes.
