Nabawian sang kabuhi ang policewoman nga naka assign sa Batangas, samtang ginabulong sa Philippine General Hospital okon PGH.
Nakasaad sa record sang Philippine National Police (PNP) Health Service, nga napatay ang 31 anyos nga police corporal sa obstructive shock bangud sang pulmonary embolism.
Na diagnose man ang policewoman nga positibo sa acute myeloid leukemia.
Samtang , may ranggo naman nga executive master sergeant ang napatay sa severe COVID pneumonia sa National Kidney and Transplant Institute sang tinalikdan nga domingo.
Antis nagpositibo sa COVID, na diagnose ang executive master sergeant nga positibo sa chronic kidney disease stage 5 associated with hyperkalemia and hypertension.
Nagpositibo ang nasambit nga pulis sa COVID 19 sang tinalikdan nga Setyembre 28.
Sini nga Oktubre 8, naglab-ot na sa 121 ka mga pulis ang nabawian sang kabuhi sa bilog nga Pilipinas, bangud sang coronavirus disease 19.
Nagapabilin naman nga positibo sa impeksyon ang 1,727 ka mga pulis , base sa pinaka ulihi nga datus sang PNP.*
