NIGER- Patay ang 32 ka persona kag apektado naman ang 66,000 ka mga indibidwal matapos mag baha kag mag landslide nga gin tuga sang mabaskog nga ulan sa Niger humalin bulan sang Hunyo, suno sa Sahel state.
Sandig sa record sang civil protection services, patay ang 17 nga indibidwal matapos marusdak ang ila balay, 15 ang nalumos kag 22 naman ang pilason.
Gin halitan sang mabaskog nga ulan kag baha ang masobra 7,000 nga puluy-an, classrooms, health centers, store house kag mga tindahan.
Masami nga gina-igu sang baha ang Niger nga ginakabig sang UN’s Human Development Index nga pinakapigado nga pungsod sa bug-os nga kalibutan.
Madumduman nga nagligad nga tuig, 70 ka indibidwal ang napatay kag 200,000 ang apektado sang baha sa Niger, suno sa local kag UN figures.
