Nasapwan-patay ang 4-anyos nga estudyante sa sulod sang isa ka school bus sa Qatar sang Domingo, Setyembre 11.
Suno sa imbestigasyon, nagakatulog ang bata nga babayi nga si Minsa Mariam Jacob sa sulod sang bus kag wala ini natalupangdan sang drayber sang ini ang nagguwa sang maka-abot sa eskwelahan.
Matapos sang 4 ka oras, nagbalik ang drayber sang bus kag natukiban ang bata nga wala na sang animo sa sulod sang nasambit nga salakyan.
Suno kay Brigadier Abdullah Saif Al Matrooshi, Director-General sang Police Operations sa Ajman Police, gilayon nga gindala ang bata sa ospital apang ginbawian ini sang kabuhi bangud sa “heat suffocation.”
Gina-imbestigahan naman sang Qatar Ministry of Education and Higher Education ang nagluntad nga insidente.
“The Ministry, as well as the respective authorities will take the necessary measures as well as the maximum punishment against the aggressors with regards to regulations and according to the results of the ongoing investigation. The ministry also affirms its keenness to adhere to the highest quality of security and safety standards for its students, and will not tolerate any shortcomings in this regard. It extends its sincerest condolences to the family of the deceased student,” suno sa Qatar Ministry of Education and Higher Education.
