41 ka Persona, Dakup sa Isa ka Semana nga Anti-Criminality Operations sang BCPO

Nakadakup sang 19 ka mga drug personalities, 13 ka wanted persons kag 9 ka mga gambling violators ang mga kapulisan sa ciudad sang Bacolod, sa sulod sang isa ka semana, sandig sa report sang Bacolod City Police Office.

Humalin Pebrero 22 tubtob 28, ang BCPO ang nakapatigayon sang 15 tanan ka anti-drug operatioons kun sa diin 258.9 gramos ukon P1,761,043 nga balor sang iligal nga droga ang nakumpiska.

Naka-rekober naman sang isa ka .38 caliber revolver nga may tatlo ka ammunition kag isa ka fired cartridge ang BCPO.

Napasakaan na sang mga nagakaigo nga kaso ang mga nagkaladakpan.*