NEGROS OCCIDENTAL – Ginpaarakan sang luthang ang isa ka 43-anyos nga lalaki nga papauli na kuntani sa ila balay sa Sitio Kabanbanan, Barangay Puso sa banwa sang La Castellana, Negros Occidental, takna las 5:00 sang hapon, Domingo, Nobyembre 20, 2022.
Ginkilala ang biktima kay Jovanie Omboy, 43-anyos, kag residente sang Sitio Tiguisa Haroy sa Barangay Montilla, Moises Padilla, sandig sa spot report sang Negros Occidental Police Provincial Office.
Suno sa nakaluwas nga live-in partner ni Omboy, samtang sila ang nagalakat papauli sa ila puluy-an, nakibot sila sang may nagpalupok nga makabig “warning shot”, naghambal nga “Sin-o CAFGU da? Mabato Kamo sa amun!” kag gintaya ang armas luthang sa ila.
Nakadalagan pa si Omboy sa kabatuhan kag nakapanago apang siya ang ginlagas sang duha sa 10 ka mga suspek.
Gintiro sang duha ka persona si Omboy sang makapila ka beses rason sang iya kamatayon.
Nagpalagyo ang mga suspek sa wala mahibaluan nga direksyon matapos ang insidente.
Tubtob sa karon, wala pa ma-identify ang mga suspek.*
